Xəzər rayonunda növbəti genişmiqyaslı ümumrayon iməciliyi keçirilib
Bakı Şəhər İcra Hakimiyyəti tərəfindən verilmiş tapşırığa uyğun olaraq avqust ayının 26-ı səhər saatlarından etibarən Xəzər rayonunun bütün qəsəbələri əhatə olunmaqla növbəti genişmiqyaslı iməclik keçirilib.
Belə ki, Xəzər Rayon İcra Hakimiyyətinin təşkilatçılığı və Rayon Mənzil Kommunal Təsərrüfatı Birliyi, qəsəbə inzibati ərazi dairəsi üzrə nümayəndəliklərin iştirakı ilə rayonun bütün qəsəbələri əhatə olunmaqla təmizlik və abadlıq işləri görülüb
İməcilik zamanı parklar və istirahət güşələrində, prospekt və küçələrdə, səki kənarlarında alaq otlarının vurulması, məişət tullantılarının atıldığı konteyner və meydançalarının ətrafının təmizlənməsi, eləcə də digər təmizlik işləri görülüb.
Həmçinin, ərazidə mövcud olan ağac və kollarda yaşıl budamanın aparılması, qurumuş ağacların vaxtında ərazidən götürülməsi, çəmənlik və ağacların suvarılması işləri görülüb. Həyət və məhəllələrdə təmizlik-abadlıq işləri görülərək, ərazilər ətraf mühit və insan sağlamlığı üçün zərərli olan müxtəlif məişət və polietilen tullantılarından təmizlənib.
