Xəzər rayonunda abadlıq-quruculuq və yaşıllaşdırma işləri davam etdirilir
Xəzər rayonunda mütəmadi olaraq aparılan abadlıq-quruculuq və yaşıllaşdırma işləri çərçivəsində rayon ərazisində yaşıllıq zolaqlarının salınması və genişləndirməsi, rayonun ekoloji vəziyyətinin daha da yaxşılaşdırması məqsədi ilə rayonun əsas prospekt və küçələrində yaşıllaşdırma tədbirləri aparılır, qurumuş ağaclar yeniləri ilə əvəz olunur.
Xəzər Rayon İcra Hakimiyyətinin təşkilatçılığı ilə Buzovna-Mərdəkan avtomobil yolunun Buzovna, Mərdəkan və Şuvəlan qəsəbələri ərazisində müvafiq qəsəbə inzibati ərazi dairəsi üzrə nümayəndəliklərin əməkdaşlarının iştiraki ilə təşkil olunan ağacəkmədə 100 ədəd eldar şamı ağacı əkilərək suvarılıb və onlara aqrotexniki qulluq göstərilib.
Aksiya zamanı ərazi məişət tullantılarından, polietilen torbalardan təmizlənərək, abadlıq işləri görülüb.
Qeyd edək ki, hal-hazırda rayonun bütün qəsəbələrində başlanmış abadlıq-quruculuq və yaşıllaşdırma işləri davam etdirilir.
