Xəzər rayonunda 2024-cü ilin "Yaşıl dünya naminə həmrəylik ili" elan edilməsi ilə əlaqədar olaraq yeni yaşıllıq zolaqlarının salınması və ətraf mühitin mühafizəsi istiqamətində işlər davam etdirilir
“Yaşıl dünya naminə həmrəylik ili” çərçivəsində həyata keçirilən genişmiqyaslı ekoloji tədbirlər - yaşıllaşdırma işləri çərçivəsində Xəzər rayonunda da yeni yaşıllıq guşələri yaradılmaqdadır.
Rayon ərazisində ətraf mühitin mühafizəsinə töhfə vermək, yaşıllıq zolaqlarını daha da genişləndirmək, rayonun ekoloji tarazlığını bərpa etmək, insanlar arasında ekoloji mədəniyyəti və təbiətə qayğı hissini təbliğ etməkdir. Ekoloji mühitin sağlamlaşdırılması və paytaxtımızın daha da gözəlləşməsinə yönəlmiş işlər çərçivəsində parklarda, abad həyətlərdə, xiyabanlarda mövsümi yaşıllaşdırma işləri aparılıb.
Görülmüş işlər çərçivəsində parklarda, abad həyətlərdə, xiyabanlarda yeni yaşıllıq zolaqları yaradılıb, qazon örtüyü salınıb, budanma işləri aparılaraq quru ağaclar ərazidən çıxarılmışdır.
Rayonun müxtəlif ərazilərində, yol kənarlarında, parklarda, prospekt və küçələrdə yeni yaşıllıq guşələri yaradılaraq, ağac və dekorativ gül kollarının əkilməsi işləri hazırda da davam etdirilir.
