Xəzər Rayon İcra Hakimiyyətinin təşkilatçılığı Heydər Əliyev adına İstirahət Parkında Zəfər günü ilə bağlı konsert proqramı təşkil olunub
08 noyabr 2024-cü il tarixdə Xəzər Rayon İcra Hakimiyyətinin təşkilatçılığı Heydər Əliyev adına İstirahət Parkında Zəfər günü ilə bağlı konsert proqramı təşkil olunub.
Tədbirin aparıcıları Cəmilə Tağızadə və Tərlan Məlikzadə tədbir iştirakçılarlnı salamlayaraq hamını bayram münasibəti ilə təbrik edərək qeyd etdilər ki, bu gün Azərbaycanın tarixinə qızıl hərflərlə yazılmış bir gündür. 2020-ci ilin 8 noyabrında, böyük zəfərimizlə torpaqlarımızın işgaldan azad edilməsi, Qarabağımızın azadlığına qovuşması ilə tariximizin ən şanlı səhifələrindən birini yazdı.
Tədbirdə gənc müğənnilər Nihat Qasımzadənin, Xaliq Hüseynin, Tərlan Məlikzadənin, Taleh Zəngilanlının, Ağacan Cabbarlının, Aydan Əliyevanın vətənpərvərlik ruhunda ifa etdikləri mahnılar tamaşaçılarda bayram ovqatı yaratdı
“Lalələr” rəqs ansamblının “Xarıbülbül”, “Məşəl” rəqs kollektivinin “Bayram süitası”, “Kişik qala” rəqs kollektivinin “Fəridəm” rəqsləri alqışlarla qarşılandı.
