"Heydər Əliyev İli"nə həsr olunmuş Ortaq Türk Dünyası Olimpiadasının qalibləri Xəzər rayonunun qonağı olublar
2 iyun 2023-cü il tarixində Ortaq Türk Dünyası Olimpiadasının qalibləri Xəzər rayonuna səfər ediblər. Türkiyə, Qazaxıstan, Özbəkistan və Qırğızıstan məktəbliləri ilk olaraq Qala Arxeoloji-Etnoqrafik Muzey Kompleksini ziyarət ediblər. Burada onlara Azərbaycanın ənənəvi sənət növləri olan dulusçuluq, dəmirçilik, xalçaçılıq və ipəkçilik barədə məlumat verilib. Kompleksdəki tacir və toy evləri qonaqların diqqətini xüsusilə cəlb edib.
Daha sonra məktəblilər Zirə Eko-Parkaa səfər ediblər. Burada milli mədəniyyətimizin ayrılmaz hissəsi olan xalçaçılıq nümunələri ilə da tanış olub, Art-studiyada yaradılan rəsm əsərlərinə tamaşa ediblər.
Ziyarət zamanı qonaqlar Xəzər RİH, Qala Arxeoloji-Etnoqrafik Muzey Kompleksininin və Zirə Eko-Parkın rəhbərliyinə öz təşəkkülərini bildiriblər.
