Bu gün Vətən müharibəsinin iştirakçısı Mehdiyev Samir Vaqif oğlunun Şəhidlik zirvəsinə ucaldığı gündən 3 il ötür.
08 noyabr 2023 | 12:54
8 noyabr 1993-cü ildə Bakı şəhərində anadan olub. 2003-cü ildə Bakı Peşə Liseyini bitirib. Müddətli həqiqi hərbi xidmətini başa vurduqdan sonra, 20 fevral 2017-ci ildən 10 aprel 2017-ci ilədək Azərbaycan Respublikası Silahı Qüvvələrinin Təlim və Tədris Mərkəzində kəşfiyyat ixtisası üzrə kurs kecib.
Silahlı Qüvvələrin Baş Qərargah rəisinin 26 aprel 2019-cu il tarixli əmri ilə "kiçik gizir" hərbi rütbəsi verilib.
Tank bölüyünün tank taqımının mexanik-sürücüsü, xüsusi təyinatlı dəstənin atəş dəstək taqımının qumbaraatan manqasının tuşlayıcısı, xüsusi əməliyyat taborunun xüsusi əməliyyat qrupunun kəşfiyyatçısı vəzifələrində xidmət edib.
Cəbrayıl-Füzuli cəbhəsindən Şuşa şəhərinədək döyüş yolu keçib.
2020-ci il noyabrın 9-da Şuşa şəhəri ərazisində gedən hərbi əməliyyatlar zamanı xüsusi kəşfiyyat tapşırığını yerinə yetirərkən düşmən tərəfindən açılan atəş nəticəsində şəhid olub.
Sağlığında "Azərbaycan Ordusunun 100 illiyi (1918-2018)", Azərbaycan Respublikasının ərazi bütövlüyünün təmin edilməsi uğrunda döyüş əməliyyatlarında iştirak edərək hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyinə görə Azərbaycan Respublikası Prezidentinin Sərəncamı ilə "Vətən uğrunda" (ölumündən sonra), "Şuşanın azad olunmasına görə" (ölümündən sonra), "Kəlbəcərin azad olunmasına görə" (ölümündən sonra), “İgidliyə görə”(ölümündən sonra) medalları ilə təltif olunub. Şəhidimiz Xəzər rayonunun Zirə qəsəbəsində dəfn olunub.Bu gün Vətən müharibəsinin iştirakçısı Əliyev Murad Hüseyn oğlunun Şəhidlik zirvəsinə ucaldığı gündən 3 il ötür
Keçidlər
