Antiterror əməliyyatı iştirakçısı Əsədov Əlibala Əli oğlunun şəhidlik zirvəsinə ucalmasının ildönümü qeyd olunub

    19 sentyabr 2023-cü ilin tarixində baş verən antiterror əməliyyatı zamanı şəhidlik zirvəsinə ucalan xüsusi təyinatlı əsgər Əsədov Əlibala Əli oğlunun il mərasimi keçirilib. Qala qəsəbəsində keçirilən mərasimdə Xəzər Rayon İcra Hakimiyyətinin başçısı Elşən Salahov, YAP Xəzər rayon təşkilatının sədri Namiq Əhmədov, Dövlət Təhlükəsizlik Xidmətinin rəisi Rəşad Cəfərov, Səfərbərlik Xidmətinin rəisi Ramin Şükürov, RİHB-nin müavinləri, şöbə müdirləri, qəsəbə nümayəndəsi, bələdiyyə sədri, ictimaiyyət nümayəndələri, şəhidin ailə üzvləri və qəsəbə sakinləri iştirak edib. İlk öncə şəhidin ildönümü münasibətilə “Qala Tarix və Etnoqrafiya Qoruğu” ərazisində ehsan süfrəsi açılıb. Azərbaycanın bütövlüyü uğrunda canından keçmiş bütün şəhidlərimizin əziz xatirəsi bir dəqiqəlik sükutla yad edilib.
    Çıxış edən mərasim iştirakçıları Vətən uğrunda canından keçən oğullarımızın döyüş yolundan söz açaraq, onların göstərdiyi şücaət və qəhrəmanlığından danışıblar.
   Şəhidin ailə üzvləri çıxış edərək onlara göstərilən diqqət və qayğıya görə ölkə başçısı cənab İlham Əliyevə və Birinci vitse-prezident Mehriban xanım Əliyevaya təşəkkürlərini bildiriblər.
    Daha sonra iştirakçılar Şəhidin məzarını ziyarət edib, önünə gül dəstələri düzərək əziz ruhuna dualar oxuyublar.