Xəzər rayonunda fəaliyyətinə icazə verilmiş iaşə obyektlərində monitorinqlər keçirilib

   Xəzər Rayon İcra Hakimiyyətinin, polis əməkdaşlarının və digər əlaqədar qrumların nümayəndələri tərəfindən Xəzər rayonunda  fəaliyyətinə icazə verilmiş sahələr üzrə xüsusi karantin, zəruri sosial davranış qaydaları və sanitar-epidemioloji tələblərin təmin olunması üçün ictimai iaşə obyektlərində, qapalı məkanlarda nəzarət-profilaktik tədbirləri davam etdirirlər.
  İstehsal, xidmət və ictimai iaşə sektorlarında müştərilərin qəbulu, xidmətin sanitar-epidemioloji normalara uyğun aparılması və insanlar arasında sosial məsafənin qorunması məqsədilə keçirilən monitorinq və yoxlamalarda sanitariya-gigiyena və karantin qaydalarının tələbləri ilə bağlı məlumatlar verilir.

 Keçirilən yoxlamalarda açıq havada fəaliyyət göstərən ictimai iaşə müəssisələrində virusa yoluxma hallarının qarşısının alınması məqsədilə həmin obyektlərdə təmizlik və dezinfeksiya işlərinin vəziyyəti öyrənilir, xidmət və ictimai iaşə sektorlarında müştərilərin qəbulu, xidmətin sanitar-epidemioloji normalara uyğun qurulması və insanlar arasında sosial məsafənin qorunması məqsədilə kafe və restoranlarda xidmət personalı ilə söhbətlər aparılır.
  Rayon ərazisində monitorinqlər mütəmadi olaraq həyata keçirilir.