Mobil qruplar tərəfindən növbəti reydlər rayonun Mərdəkan qəsəbəsində keçirilib
12 avqust 2020-ci il tarixində Xəzər rayonunda koronavirus (COVİD-19) pandemiyasının yayılmasının qarşısının alınması istiqamətində Nazirlər Kabineti yanında Operativ Qərargahın qərarlarının icrasına nəzarət məqsədi ilə mobil qrup üzvləri tərəfindən rayonun Mərdəkan qəsəbəsində reydlər keçirilmişdir.
Reydlər zamanı fəaliyyətlərində nöqsan aşkar edilən bir neçə ticarət obyektlərinə ciddi xəbərdarlıqlar edilmiş və Rayon Polis İdarəsi tərəfindən qapalı məkanlarda qoruyucu maskalardan istifadə etməyən vətəndaşlar müəyyən edilərək onlarla bağlı qanunamüvafiq qaydada tədbirlər görülmüşdür.
Bundan əlavə, rayon ərazisində mobil qrupun üzvləri tərəfindən qəsəbə ərazisində ictimai yerlərdə, ticarət və iaşə obyektlərində və küçələrdə vətəndaşlar arasında maarifləndirci söhbətlər aparılmışdır.
Xəzər könüllüləri tərəfindən vətəndaşlara tibbi maska paylanılmış və insanların sıx olduğu yerlərdə, dayanacaqlarda, bankomatların və ticarət obyektlərinin qarşısında çap materiallarından ibarət xəbərdaredici və maarifləndirici təbliğat vasitələri yapşıdırılmışdır.
