Azərbaycan Resspublikasının Prezidenti cənab İlham Əliyevin təşəbbüsü ilə BMT baş Assambleyasının Xüsusi Sessiyasının keçirilməsi

   Cənab  İlham  Əliyev   ulu  öndər  H.Əliyev  kimi millətini  dünya  svilizasiyasının    önündə  görməsi, soydaşlarının  güclü, mətin, savadlı, mədəni, fiziki  və  əqli  cəhətdən  sağlam yetişməsi  üçün  əlindən gələni edir.
       2003-cü ilin  Oktyabrında  prezident  seçilən  İlham Əliyev,  Ulu  öndər  mərhum  prezidentimiz   Heydər  Əliyevin  yolunu  uğurla  davam  etdirir. Prezident   İlham  Əliyev  ölkədə  qanunçuluğun  gücləndirilməsinə, iqtisadiyyatın  inkişaf  etdirilməsinə, əhalinin  sosial  rifahının  yaxşılaşdırılmasına, Azərbaycanın  Beynəlxalq  nüfuzunun  gücləndirilməsinə  xüsusi  fikir verir.
       XXI əsrin  ilk  illərində  Azərbaycan  neft  strategiyasının    əsas  istiqamətlərindən  biri  Azərbaycan  neftinin  və  qazının  dünya  bazarına  nəql  edilməsi  olmuşdur.
       Xəzər  dənizində   “ Azəri”, “Çıraq”, “Günəşli”   neft  yataqları  istismara  verildi.
        “Şahdəniz” yatağında  aparılan  uğurlu  qazma  işləri  Azərbaycanı  böyük  həcmdə  qaz  istehsal  edən  ölkəyə  çevirdi.
         2006-cı  il  iyulun  13-də dörd il  əvvəl  təməli  qoyulan  Bakı-Tiblisi-Ceyhan  əsas  neft  kəməri  istifadəyə  verildi.
          2006-cı ildə  daha  bir  kəmər  Bakı-Tiblisi-Ərzurum  qaz  kəməri  istifadəyə  verildi. Bütün   bunlar  Azərbaycanın  beynəlxalq  aləmdə  mövqeyinin  möhkəmləndirilməsinə  xidmət  edir.
          2013-cü ilin  dekabrında  Azərbaycan  təbii  qazının  Avropaya  böyük  həcmdə  çıxarılması  üçün  müqavilə  imzalandı. Azərbaycan  Respublikasının  Prezidenti   İlham  Əliyevin “XXI əsrin  müqaviləsi” adlandırdığı  bu sənəd: Trans Anadolu (TANAP).
Trans  Adriatik  (TAP) qaz  kəmərlərinin  tikintisini  reallığa  çevirdi.
          Prezident  İlham  Əliyev  iqtisadiyyatın  neft  və  qaz  istehsalı  və  ixracından aslılığının  azaldılması  üçün  qeyri-neft  sektorunun  inkişafina  diqqəti  artirdı.
           2013-2018-ci  illərdə  Bakıda  Gön-dəri  zavodu, “ Star  LTD” zavodu, Gəncə  Avtomobil  zavodu  yenidən  quruldu, Naxçıvanda  yeni  avtomobil  zavodu  işə  salındı, 5 beynəlxalq  hava  limanı , 4 Avtovağzal  kompleksi  4  metro   tikilib  istifadəyə  verildi.
          2017-ci ilin  30 oktyabrında  Bakı-Tiblisi-Qars dəmir  yolu  istifadəyə  verildi. Ələtdə  Beynəlxalq  Liman  Kompleksi  inşa  edildi. Təkcə  Bakı  şəhərində   572 km  yol  əsaslı  şəkildə  təmir  olundu, 32  yol qovşağı, 35  körpü  və  tunel  istifadəyə  verildi.
       Əhalinin  sosial  rifahını  yaxşılaşdırmaq  üçün  yeni  məktəblər, muzey və müalicə- diaqnostika  mərkəzləri  istifadəyə  verildi. Xeyli  istirahət  parkları  açıldı. Dənizkənarı  bulvar  yenidən  quruldu,  müasir  Olimpia  kompleksləri, Oğuz-Qəbələ-Bakı  su kəməri  istifadəyə  verildi.
          Azərbaycanda  məcburi  köçkünlərlə  bağlı  sosial  tədbirlər  həyata  keçirildi. 2007- ildə  bütün çadır  şəhərcikləri  ləğv  edildi. 110  minlik  57 müasir  qəsəbə  və  məhəllələr  salındı. 2020-ci ildə  7 min  Məcburi  köçkün  ailəsinin  evlərlə  təmin  olunması  nəzərdə tutulur.
       Cəmiyyətimiz  inkişaf  etdiyinə  görə  Konstitusiyada  2002, 2009  və  2016-cı  illərdə  bir  sıra  dəyişikliklər  edildi.

       Prezident  İlham  Əliyev  Xarici  siyasətdə  də  uğurlu  addımlar  atdı. 2003-cü ilin  dekabrında  Çenevrə  İnformasiya  Cəmiyyəti  üzrə  dünya   Sammitində  iştirak  etdi. 2006-cı  ildə  prezident  İlham  Əliyev  ABŞ-a  ilk   rəsmi  səfər  etdi. 2011-ci il  Oktyabrın    24-də Azərbaycan  2012-2013 –cü illər  üçün  BMT-nin  təhlükəsizlik  Şurasının  qeyri-daimi üzvü  seçildi.  2014-cü il  sentyabrın  29-da  Həştərxan  Sammiti  keçirildi. Sammitdə 
Azərbaycan , Rusiya, Türkmənistan, Qazaxıstan  və İran  dövlət  başçıları  iştirak  etdi. Bu Sammitdə  Xəzər  dənizinin  statusunun  müəyyən  edilməsində  mühüm  addım atıldı.
      XXI əsrin  əvvəllərində  Azərbaycan  Respublikasının   qarşısında  duran  ən  vacib  məsələ,  Dağlıq  Qarabağ  münaqişəsinin  həll  olunmasıdır. Artıq  otuz  ilə  yaxınlaşır ki, Dağlıq  Qarabağ  münaqişəsinin  həll  etmək  üçün   ATƏT-in  Minsk  qrupunun  vasitəçiliyi  ilə  danışıqlar  aparılır.  Ancaq  bu  danışıqlar  heç  bir  nəticə  vermir. 2004-cu ildən  prezident  İlham  Əliyev  Dağlıq  Qarabağ  münaqişəsində  informasiya  müharibəsində   hücum  diplomatiyasının  aparılması  vəzifəsini  irəli  sürmüşdü.
         İqtisadiyyatımız  gücləndikcə  xaricdən  ən müasir  və  yüksək  döyüş  qabiliyyətinə malik  silah  və  hərbi  texnika  almaqla  yanaşı,  2005- ci ildə  Müdafiə    Sənayesi  Nazirliyi    yaradıldı. Müdafiə  sənayesi  müəssisələrində  yüzlərlə  silah-sursat  və  hərbi-  texnika  istehsal  olunur. Bu  gün Azərbaycan  hərbi  potensialına  görə  Cənubi  Qafqazda  ən  güclü  ordu  hesab edilir.
        Bu  özünü  2016-ci ildə  Qarabağda  aprel  döyüşləri  və  2018 –ci   illin mayında  Naxçıvanda  Əlahidə  Ümumqoşun  ordumuzun  əks  həmlə  əməliyyatı  nəticəsində  əldə  edilən  uğurlarda  öz  əksini  tapdı.  13 min  hektar  ərazi  düşməndən  azad   edildi.
       Bu  gün də  uğurlu  hücum  diplomatiyası  davam  etdirilir. Təkcə  onu  demək  kifayətdir ki, 2019-cu il  sentyabrın  30-da  Prezident  İ. Əliyev  Rusiya  Federasiyasında  keçirilən “Valday  diskussiya  mərkəzində”   dünya  ölkələri  liderlərinin  də  iştirak  etdiyi konfransda  Ermənistan  prezidenti  N,Paşinyan  necə  aciz  vəziyyətə  düşdü.  Prezident  İ.Əliyev  çıxışında  bir daha  göstərdi ki,  Qarabağ  Azərbaycandır!
       Bu  gün də  prezident  İ.Əliyev uğurlu  siyasətini  davam  etdirir. 2019-cu ildə  Çində  başlanan   COVİD-19  virusu  tez  bir  zamanda  bütün  dünyaya  yayıldı.
        Azərbaycan Respublikasının  Prezidenti,   Qoşulmama   Hərakatının  (QH) sədri  cənab  İlham  Əliyevin  təşəbbüsü  ilə  QH-a  üzv  ölkələr    adından  pandemiyaya  qarşı  dövlət  və  hökümət  başçıları  səviyyəsində  videokonfrans  formartında  BMT  Baş  Assambleyasının  xüsusi  sessiyasının  keçirilməsi  təklif  edilmişdir. Bu təşəbbüs  130  ölkə  tərəfindən   dəstəkləndi. İyulun  10-da  xüsusi  sessiya  öz  isinə  başladı.
      BMT  tarixində  31  xüsusi  sessiya  keçirilmişdir. Bunlardan  yalnız  üçü  dövlətlər  tərəfindən  çağrılmışdır. Lakin  Azərbaycanın  təklifi  ilə  xüsusi  sessiya  ilk  dəfə  olaraq  dövlət  və  hökumət  başçıları  səviyyəsində  və  videokonfrans  formatında  keçirilir.
     Beləliklə,  Azərbaycan  Respublikasının   Prezidenti  Cənub  İ.Əliyev  nəinki  Azərbaycanın   daxilində  öz  uğurlu  siyasətini  davam  etdirir,  O, həmçinin  öz  önəmli  təşəbbüsü  ilə  BMT  tarixində  bir  ilkə  imza  atmışdır.
   

      Ümüdvarıq  ki, Azərbaycan  Respublikasın  Prezidenti  cənab  İlham  Əliyevin  təşəbbüsü   nəticəsində  nəhayət  ki,  BMT  öz  rəsmi  fəaliyyətini  bərpa  edərək ,  pandemiya  ilə  mübarizə  kimi  önəmlı  qlobal  məsələnin  müzakirəsini  apara  biləcək. İnanırıq  ki,  bu  müzakirələr   nəticəsində  Bəşəriyyəti  bu  pandemiyanın  əlindən  xilas  edə  biləcək  qərarlar  veriləcək.

Nadırova  Elminaz  
326№ li  tam  orta  məktəbin  direktoru