Polşa nümayəndə heyətinin Xəzər rayonuna növbəti səfəri olmuşdur
Azərbaycan Respublikasının Polşadakı Səfirliyinin təşəbbüsü ilə Ümummilli Lider Heydər Əliyevin 90 illik yubileyi münasibətilə Xəzər rayon nümayəndə heyətinin iştirakı ilə 12-18 may tarixlərində Polşanın Nadajın şəhərində silsilə tədbirlər keçirilmişdir. Səfər proqramı çərçivəsində 16 may 2013-cü il tarixində Xəzər rayon nümayəndə heyəti ilə Nadajın şəhəri II İohan Pavel adına Gimnaziya rəhbərliyi arasında şagird və müəllim heyətinin mübadiləsinə dair danışıqlar aparılmış və razılığa gəlinmişdir.
Bununla əlaqədar olaraq Nadajın şəhəri II İohan Pavel adına Gimnaziyanın 16-23 iyun 2013-cü il tarixlərində 11 şagird və 3 müəllim olmaqla 14 nəfərlik nümayəndə heyəti Xəzər rayonuna səfər etmişdir.
Şagirdlərə bir həftə ərzində Azərbaycan mədəniyyəti və tarixi, Azərbaycanda polyak izləri, Azərbaycanın tarixi abidələri, Azərbaycan ailəsi və.s. mövzular haqqında məlumat veriləcək və gəzintilər təşkil olunacaqdır.
Azərbaycan şagirdlərinin Polşaya səfəri isə 2013-cü ilin avqust ayında nəzərdə tutulur.
