Xəzər rayonunda 18 Oktyabr – Müstəqillik Günü ilə əlaqədar olaraq silsilə tədbirlər keçirilmişdir
18 oktyabr 2019-cu il tarixdə Xəzər rayonunda fəaliyyət göstərən təhsil müəssisələri və mədəniyyət evlərində 18 Oktyabr – Müstəqillik Günü ilə əlaqədar olaraq silsilə tədbirlər keçirilmişdir. Tədbirlər Azərbaycan Respublikasının Dövlət Himni ilə başlamışdır. Sonra müəssisə rəhbərləri tərəfindən Dövlət müstəqilliyimizin qorunub saxlanmasında, daha da möhkəmlənməsində, əbədiliyinin və dönməzliyinin təmin edilməsində Ümummilli Lider Heydər Əliyevin əvəzsiz xidmətlərindən, Ulu Öndərin sadiq davamcısı, Azərbaycan Respublikasının Prezidenti cənab İlham Əliyevin dövlət quruculuğu və demokratik dəyərlərin inkişaf etdirilməsi sahəsində əldə etdiyi mühüm nailiyyətlərindən şagirdlərə məlumat verilmişdir. Sonda məktəb şagirdləri vətənpərvərlik ruhunda şeir və mahnılar səsləndirmiş, flaşmoblar təşkil etmişlər.
