Binə qəsəbəsində abadlıq-quruculuq işləri davam etdirilir
Sakinlərimizin istək və arzularına uyğun olaraq rayonun digər qəsəbələri ilə yanaşı Binə qəsəbəsində də abadlıq- quruculuq işləri həyata keçirilir.
Belə ki, qəsəbənin Ə.İsazadə küçəsində çoxmərtbəli yaşayış binalarının qarşısında yeni salınan istirahət parkın sahəsində 50 ədəd şam ağacı və 50 ədəd çinar ağacı əkilmişdir. Həmin ərazidə fərdi yaşayış evlərinin dəmir darvazaları rənglənmiş, parkın ətrafında yerləşən çoxmərtbəli yaşayış binalarının həyətində 800 kvm-lik sahəyə asfalt örtüyü salınmışdır. Həmçinin, parkda sakinlərin istirahəti üçün günlüklərin və oturacaqların quraşdırılması planlaşdırılır.
Aprel ayının 25-də Xəzər RİH-nin başçıs Elşən Salahov yeni salınan istirahət parkında olmuş, işin gedişi ilə maraqlanmış və lazimi tapşırıqlarını vermişdir.
