Buzovna qəsəbəsində əhalinin su təchizatının yaxşılaşdırılması istiqamətində işlərə başlanılmışdır.
“Azərsu” Açıq Səhmdar Cəmiyyəti Bakı şəhəri və ətraf qəsəbələrdə əhalinin içməli su təchizatı və kanalizasiya xidmətlərindən istifadəsinin yaxşılaşdırılması məqsədilə layihələrin icrasını davam etdirir. Səhmdar Cəmiyyətin Tədbirlər Planına uyğun olaraq Xəzər rayonunda yeni layihələrin icrasına başlanılıb.Belə ki, plana əsasən Azərsu ASC tərəfindən Buzovna qəsəbəsi, Koroğlu küçəsi 3, 4 və 5-ci döngələrin su təchizatının yaxşılaşdırılması layihəsi işləri başlanmışdır.
Azərsu ASC-nin Sutikinti Müəssisəsi tərəfindən qurulan su şəbəkəsi 1700 p/m olmaqla 400 fərdi yaşayış evinin su ilə təmin edilməsi nəzərdə tutulmuşdur.Su şəbəkəsinin 324 p/m-i artıq başa çatdırılmışdır. Su şəbəkəsinin tamamlanması may ayına planlaşdırılır.
