Xəzər rayonunda Novruz bayramı təntənəli şəkildə qeyd edildi.

    18 mart 2016-cı il tarixində Xəzər rayonunun Buzovna qəsəbəsində Novruz bayramı münasibətilə ümumrayon şənliyi keçirilmişdir.
      Bayram şənliyində Xəzər rayon İcra Hakimiyyəti başçısı cənab Gülağa İslamovla yanaşı, Millət Vəkili Rauf Əliyev, YAP Xəzər rayon təşkilatının sədri Namiq Əhmədov, Xəzər rayonunun Hüquq mühafizə orqanlarının rəhbərləri idarə, müəsissə və təşkilatların rəhbərləri,  təhsil, səhiyyə, mədəniyyət müəssisələrinin əmək kollektivləri və rayon ictimaiyyəti iştirak etmişdir.
       İlk öncə qonaqları qarşılayan tarixi keçmişimizdə ululuq rəmzi sayılan Dədə Qorqudun Novruz duası, xalqımıza ruzi-bərəkət, sülh və əminamanlıq arzulaması,  Bahar qızının qonaqları bərəkət rəmzi olan duz-çörəklə qarşılaması tədbir iştirakçılarında xoş ovqat yaratdı.
       Daha sonra qonaqlar rayon məktəblilərinin və mədəniyyət müəssisələrinin hazırladığı əl işləri ilə tanış oldular. Rayonda fəaliyyət göstərən idman məktəblərinin nümunəvi idman çıxışları, Kosa, Keçəlin  iştirakı şənliyin daha da əyləncəli, şux keçməsinə zəmin yaratdı.
       Daha sonra şənlik  Respublikamızda  tanınmış incəsənət xadimlərinin və rayonda fəaliyyət göstərən müsiqi məktəblərinin iştirakı ilə  davam etdirildi.
      Bayram münasibəti ilə rayondakı aztəminatlı və şəhid ailələrinə, məcburi köçkünlərə bayram süfrəsi açıldı.  Bayram tədbiri İctimai Televiziya vasitəsi ilə  Ekzklüziv çəkilərək yayımlanmışdır.