Türkan Mədəniyyət Mərkəzində 31 dekabr Dünya Azərbaycanlılarının Həmrəylik günü və “ Qış nağılı” adlı Yeni il şənliyi keçirilmişdir .
25 dekabr 2015-ci il tarixdə Xəzər ran İcra Hakimiyyətinin təşkilatçılığı ilə Türkan Mədəniyyət Mərkəzində 31dekabr Dünya Azərbaycanlılarının Həmrəylik günü və Yeni il münasibəti ilə təşkil edilmiş “Qış Nağılı” adlı şənlik keçirilmişdir.
Təşkil olunmuş bayram şənliyi uşaqlarda xoş əhval-ruhiyyə yaratmış, onlara əsl bayram ovqatı bəxş etmişdir. Üç saata yaxın davam edən şənlikdə bayram ab-havası balacalarda əyləncəli anlar yaşatmışdır.
Bayram şənliyində həmçinin, şaxta baba, qar qız, digər nağıl qəhramanları və məşhur personajların iştirakı ilə tamaşalar təqdim olunmuşdur.
Uşaqların istirahətinin səmərəli təşkili məqsədilə keçirilən şənlikdə Xəzər rayon İcra Hakimiyyətinin, Türkan Mədəniyyət Mərkəzinin əməkdaşları, bələdiyyə və qəsəbə nümayəndəliyi iştirak etmişdilər.
Sonda uşaqlara müxtəlif bayram hədiyyələri verilmişdir.
Tədbirdə 530 nəfər iştirak etdi.
