Xəzər rayonunda payız mövsümü ilə əlaqədar ağacəkmə tədbirlərinə başlanılıb

02 noyabr 2021 | 16:00

Bakı şəhərində yaşıllıq zolaqlarının salınması, ekoloji tarazlığın bərpası və ətraf mühitin mühafizəsi istiqamətində görülən işlərin davamı olaraq payız mövsümu ilə əlaqədar Xəzər rayonu ərazisində növbəti ağacəkmə və yeni yaşıllıqların salınması tədbirlərinə start verilmişdir.

Belə ki, Mərdəkan və Şağan qəsəbələrində payız mövsümüylə əlaqədar olaraq yeni ağaclar və gül kolları əkilmiş, mövcud yaşıllıqlara xüsusi diqqət göstərilməklə çəmənliklərin biçilməsi, yabanı otların təmizlənməsi və əkilmiş ağacların suvarılması və aqrotexniki qulluq işləri aparılmışdır.

Mövsüm ərzində Xəzər rayonunun yaşıllaşdırılması, yaşıllıqlara qulluq və abadlıqla bağlı işlərin davam etdirilməsi nəzərdə tutulub.

Keçidlər