Səhiyyə sahəsində qazanılmış uğurlar və yeni hədəflər

  “COVİD – 19   pandemiyası 2020-ci ili iqtisadi baxımdan dünya dövlətləri üçün durğunluq dövrü kimi tarixə yazdı.
  Dövlətimizin başçısı İlham Əliyev insanların sağlamlığı amilini önə çəkməklə yanaşı, iqtisadi islahatların dərinləşdirilməsini , heç bir sosial layihənin təxirə salınmayacağını qarşıya əsas hədəf kimi qoydu.  2020 – ci ilin ilk ayından bu günədək  görülən tədbirlərə , atılan addımlara diqqət yetirsək qarşıya  qoyulan məqsədə nail olunduğunu  görərik. Nəzərə alaq ki ,   Azərbaycan ötən il koronovirus  infeksiyası  ilə  mübarizə  aparmaqla  yanaşı, ərazi bütövlüyünü  bərpa etdi, 30 il-lik işğala son qoydu.

   Azərbaycanın  COVİD- 19 – la mübarizə tədbirlərinə başlandığı gündən həyata keçirdiyi tədbirlər planlı xarakter  daşıyıb. İstər ölkə daxilində ,istərsə də beynəlxalq  səviyyədə  reallaşdırılan tədbirlər Azərbaycan təcrübəsinin təqdir olunmasını şərtləndirir. İlk gündən səhiyyə sisteminin təkmilləşdirilməsinə ,yeni xəstəxanaların  tikilib istifadəyə verilməsinə, modul tipli  xəstəxanaların quraşdırılmasına diqqət göstərildi. Azərbaycanda digər ölkələrədən fərqli  olaraq  bu sahədə  də vəziyyət ürəkaçandır. Ölkəmizdə  bununla bağlı mövcud statistikaya  diqqət yetirsək  görərik ki, son  17- ildə  750- dən  çox  xəstəxana  ya yenidən  tikilib, ya da əsaslı  şəkildə  təmir edilib. Səhiyyə sistemimizin xəstəxana və tibb  müəssisələri  fondu indi ən  yüksək  standartlara  cavab verir.
   Ölkəmiz pandemiya dövründə  birgə  mübarizə tədbirlərini həyata keçirməyə  xidmət  edən bir çox nəcib təşəbbüslər irəli sürdü,  eyni zamanda, iqtisadi  imkanları zəif olan xarici  ölkələrə yardım etməyi  özünə  mənəvi borc bildi ; “ Prezident  İlham Əliyev Azərbaycan Televiziyasına  müsahibəsində  də bu məqama  xüsusi diqqət yönəldərək  bildirmişdir ki, bu dövrdə  30-dan çox ölkəyə  maliyyə və humanitar yardım göstərilib, eyni zamanda , beynəlxalq  təşkilatlara,o cümlədən  Ümum dünya Səhiyyə Təşkilatına  10- milyon dollar məbləğində  könüllü ianə verilib” .
   Prezident  İlham Əliyev  və birinci xanım  Mehriban Əliyeva  fevralın 1-də  Abşeron  Rayon Mərkəzi  Xəstəxanasının  yeni inşa edilən  binasının  açılışında  iştiraki zamanı  xəstəxanada yaradılan  şəraitlə  tanış olub. Qeyd olunub ki, Azərbaycan Prezidentinin  müvafiq  Sərəncamı ilə  4 hektar  sahədə inşa olunan  150 çarpayılıq  tibb müəssisəsi  Yaponiya , Koreya Respublikası, İtaliya  və Türkiyə istehsalı olan ən zəruri  avadanlıqla  təchiz edilib. Xəstəxanada  cərrahiyyə, terapiya, pediatriya ,reanimasiya, dializ və  digər şöbələr , həmçinin  laboratoriyalar fəaliyyət  göstərəcək. Bu binaya  Abşeron Rayon  Mərkəzi Xəstəxanasının  nəzdində  olan mərkəzi  xəstəxana, Abşeron   rayon  poliklinikası, Abşeron rayon  uşaq poliklinikası   və  təcili   və təxirəsalınmaz  tibbi yardım  şöbəsinin köçürülməsi nəzərdə tutulub.
  Yeni tibb müəssisəsində  yaradılan  şəraitlə tanışlıqdan sonra  Prezident  İlham Əliyev  Azərbaycan Televiziyasına müsahibəsində  bir çox məsələlərə  toxunub, həmçinin  bütün dünyanı  ağuşuna  alan koronovirusa qarşı  mübarizədə  Azərbaycanın  apardığı  işlərdən danışıb.
    Dövlətimizin başçısı onu da deyib ki, pandemiya dövründə ilk günlərdən modul  tipli xəstəxanaların  ölkəyə  gətirilməsi  ilə  məşğul olan  Azərbaycan olub : “Eyni zamanda , pandemiya dövründə  ilk günlərdən modul tipli,  xəstəxanaların  ölkəyə gətirilməsi  ilə məşğul  olmağa  başlamışdıq və hesab  edirəm ki, burada da liderlik  göstərdik. Çünki bizdən sonra bir çox ölkələr  oxşar  addımlar atmışdır. Ancaq istehsalçılar artıq  çatdıra bilmirdilər. Biz isə modul tipli  13  xəstəxananı Azərbaycana gətirdik , quraşdırdıq. İndi bizdə  xəstəxana fondu  tam imkan verir ki, xəstəliklə bağlı  bütün  məsələlər  həll olunsun  və həm palatalar , həm reanimasiya  palataları  kifayət qədərdir.
    Dövlət başçısı ,həmçinin  bildirib ki, bunun və eyni zamanda , son həftələr  ərzində  dövlət siyasəti  nəticəsində  müsbət  dinamika müşahidə olunur, sağalanların  sayı  xəstələnənlərin  sayından xeyli çoxdur. “Hesab  edirəm ki, vaksinasiya  başladığı  üçün bu sahədə  daha  da uğurlu  addımlar atılacaq . Məhz  buna görə  biz  indi  yumşalma  mərhələsinə  qədəm qoymuşuq. Biz il  ərzində  rejimi  gah yumşaldırıq , gah sərtləşdirirdik, vəziyyətə uyğun  şəkildə  addımlar  atırdıq  ki, insanların  sağlamlığını  qoruyaraq ,  eyni  zamanda,insanlar üçün  lazım olmayan halda  əlavə  çətinliklər yaratmayaq. Yəni , biz daim  bu məsələyə  çox həssaslıqla  yanaşmışıq ki, bu  iki vacib  məsələni  həll  edək – insanların sağlamlığı, onların rahatlığı  və necə deyərlər, mənəvi durumu “ .

26 №-li BŞX-nın
Baş direktoru: T.A.Bəbirov