`
2017-ci ilin 9 ayı ərzində Xəzər rayonunun
sosial-iqtisadi inkişafının yekunlarına dair
H E S A B A T
09 oktyabr 2017-ci il tarixində Azərbaycan Respublikasının Prezidenti cənab İlham Əliyevin sədrliyi ilə Nazirlər Kabinetinin 2017-ci ilin 9 ayının sosial-iqtisadi inkişafının yekunlarına və qarşıda duran vəzifələrə həsr olunmuş iclası keçirilmişdir. Ölkə başçısı 9 ay ərzində iqtisadi islahatların daha da sürətlə aparılmasını və bu sahədə bir çox sərəncam və qanunların imzalanaraq qəbul edilməsini qeyd etmişdir. Biznes mühitinin yaxşılaşdırılması, ixrac potensialının artırılması, bütün bu istiqamətlər üzrə çox ciddi qərarlar qəbul edilmişdir. Cənab Prezident 9 ay ərzində qeyri-neft sektorunun 2,5 %, kənd təsərrüfatının 2,8 %, xarici ticarət dövriyyəsinin 7 % artmasını, ixracın idxaldan 4,4 milyard dollardan çox olmasını xüsusi qeyd etmişdir. Eyni zamanda valyuta ehtiyatlarımızın 2017-ci ilin 9 ayı ərzində 4,5 milyard dollar artaraq 42 milyard dollar səviyyəsinə çatması da qeyd edilmişdir.
Azərbaycan Republikasının Prezidenti cənab İlham Əliyev 9 ay ərzində 226 min yeni iş yerinin yaradılmasını və onlardan 171 mininin daimi iş yerinin olmasını öz çıxışında qeyd etmişdir. Həqiqətən də 2017-ci ilin 9 ayının yekunları onu göstərir ki, Azərbaycan iqtisadiyyatı çox dinamik şəkildə inkişaf edir. Fəxrlə demək lazımdır ki, bu gün Azərbaycan 140 ölkə arasında 35 ən rəqabət qabiliyyətli ölkə sırasındadır və MDB məkanında liderliyi saxlayır. Bu böyük uğurumuz, tarixi nailiyyətimizdir.
Bu gün Azərbaycan Respublikasının Prezidenti cənab İlham Əliyevin apardığı uğurlu siyasətin nəticəsidir ki, bölgələrlə bərabər Bakıətrafı qəsəbələrin də sosial-iqtisadi inkişafı sürətlə davam etdirilir. Həmişə olduğu kimi ötən dövrdə də abadlıq və yenidənqurma işləri Xəzər rayonunda uğurla davam etdirilmişdir.
2017-ci ilin 9 ayı ərzində rayonun iqtisadi və sosial həyatında baş verən pozitiv dəyişikliklər bütün sahələrdə yüksəlişlə müşayət olunmuşdur. Belə ki, rayon üzrə sənaye məhsulu istehsalı 139 milyon 828 min manat təşkil etmişdir. Sənaye məhsulunun ümumi həcmində dövlət sektorunun xüsusi çəkisi 98,1 % olmuşdur.
Nəqliyyat sektorunda 1 milyard 85 milyon 496 min manatlıq xidmətlər göstərilmişdir ki, bu da ötən ilin eyni dövrü ilə müqayisədə 44,8 % çox olmuşdur.
Rabitə müəssisəsi tərəfindən idarə, müəssisə və təşkilatlara, əhaliyə faktiki qiymətlərlə 4 milyon 244 min manatlıq rabitə xidməti göstərilmişdir.
Hesabat dövündə rayonun tikinti kompleksində iqtisadi və sosial sahələrin inkişafı üçün bütün maliyyə mənbələri hesabına 292 milyon 720 min manat məbləğində investisiya cəlb edilmişdir ki, bu da keçən ilin müvafiq dövrünə nisbətən 5,6 dəfə çox olmuşdur. İstifadə edilmiş investisiyaların 10 milyon 269 min manatı tikinti-quraşdırma işlərinin yerinə yetirilməsinə sərf olunmuş və əvvəlki ilin müvafiq dövrünə nisbətən 21,9 % çox olmuşdur.
İstehlak və xidmət bazarlarında əhaliyə 572 milyon 174 min manatlıq istehlak malları satılmış və pullu xidmətlər göstərilmişdir.
Ticarət şəbəkəsindən satılmış məhsulların 17 %-i hüquqi şəxs kimi fəaliyyət göstərən ticarət təşkilatları, 83 %-i isə hüquqi şəxs yaratmadan fəaliyyət göstərən fiziki şəxslər tərəfindən realizə olunmuşdur.
Rayonun iqtisadi və sosial sahələrində işləyənlərin orta aylıq əmək haqqı 461 manat, tikinti sektorunda çalışanların orta aylıq əmək haqqı 239 manat, sənaye sahəsində çalışanların orta aylıq əmək haqqı 641 manat təşkil etmişdir. Hesabat dövründə rayon üzrə 2378 yeni iş yeri açılmışdır. Bunun 7-i yeni yaradılmış təşkilatlar, 537-i mövcud müəssisə və təşkilatlar, 1834-ü isə fiziki şəxslər tərəfindən açılmışdır. Ümumilikdə son 14 il ərzində rayon ərazisində 23 min 387 yeni iş yeri açılmışdır.
Dövlət Sosial Müdafiə Fondunun Xəzər rayon şöbəsində 2017-ci ilin 9 ayı üzrə 1234 nəfər fərdi sahibkarlıq fəaliyyəti ilə məşğul olan sığortaedən qeydiyyatdan keçmişdir. Bundan əlavə Pensiya təyinatı sektoru üzrə 01 oktyabr 2017-ci il tarixə olan vəziyyətə görə 17415 əmək pensiyaçısına pensiya ödənilir. Hesabat dövrü ərzində şöbə tərəfindən əhaliyə pensiya və müavinətlərin ödənilməsi üçün tələb olunan məbləğ 39 milyon 645 min 500 manat təşkil etmişdir. Həmin maliyyələşmə 31 sentyabr 2017-ci il tarixinə başa çatmışdır. Qeyd etmək lazımdır ki, 17415 nəfər pensiyaçıya plastik kartlar vasitəsilə pensiyaların ödənilməsi təmin edilmişdir. Hal-hazırda rayon üzrə 2102 nəfər 316 min 393 manat məbləğində ünvanlı dövlət sosial yardımı alır.
Azərbaycan Respublikasının Sahibkarlığa kömək Milli Fondu tərəfindən 16 mart 2017-ci il tarixində Xəzər RİH-nin təşkilatçılığı ilə Mərdəkan qəsəbəsində sahibkarlarla növbəti görüş keçirilmişdir. Fond tərəfindən sahibkarlara istixana kompleksinin tikintisi üçün 3 milyon 200 min manat güzəştli kredit verilmişdir ki, bunun da nəticəsində 102 yeni iş yerinin açılması nəzərdə tutulmuşdur. Ümumilikdə 2017-ci ilin 9 ayı ərzində 9 sahibkarlıq subyektinə 11 milyon 705 min manat güzəştli kredit verilmiş və 28 yeni iş yeri açılmışdır.
Əhalinin Məşğulluğunu təmin etmək məqsədilə Azərbaycan Respublikasının Prezidenti cənab İlham Əliyevin tapşırığına əsasən Xəzər rayonuna 327 ştat vahidi işçi yeri ayrılmış və rayon ərazisində yaşayan, işsiz, aztəminatlı ailələrin üzvlərindən ibarət 327 nəfər işə qəbul edilmişdir. Bütün qəsəbələri əhatə edən həmin işçi qrupu ərazidə, park və meydanlarda, yol kənarlarında, məhəllədaxili küçələrdə təmizlik işləri aparır və vaxtı-vaxtında əmək haqlarını alırlar.
2017-ci ilin 9 ayı ərzində Rayon Məşğulluq Mərkəzində 2022 nəfər işaxtaran vətəndaş qeydiyyata alınmış və 660 nəfəri münasib işlə təmin edilmişdir. Hesabat dövründə 215 nəfər işsiz vətəndaşa işsizlik statusu verilmiş və 262 nəfərə işsizlik müavinəti təyin edilmişdir.
Xəzər Rayon Mənzil Kommunal Təsərrüfatı Birliyi tərəfindən 2017-ci ilin 9 ayı ərzində məişət tullantıları meydançalarından 82 min 109 kub metr məişət və digər bərk tullantılar yığılaraq daşınmışdır. Birliyin su maşınları ilə 9 ay ərzində xidməti ərazilər, məcburi köçkünlər, idarə və təşkilatlar 23 min 822 ton içməli su ilə təmin edilmiş, 6285 ton çirkab maye yığılaraq daşınmışdır.
Mərdəkan, Binə, Buzovna, Şüvəlan qəsəbələrində və Albalılıq yaşayış massivində yerləşən çoxmərtəbəli binalarda 135 mənzilin tüstü bacaları və havadəyişmə kanalları «Təmiz Baca» MMC, 600 mənzilin tüstü bacaları isə MKİS-ləri tərəfindən təmizlənilmişdir. Albalılıq dayanacağı, keçid 1349 ünvanında yerləşən 4 ədəd yataqxananın su təminatında yaranan problemin aradan qaldırılması məqsədilə 140 saylı MKİS-i tərəfindən 145 metr metal boru dəyişdirilmiş və su quyusunun nasosu yenisi ilə əvəz olunmuşdur.
Buzovna qəsəbəsi, 136 saylı MKİS-nin xidməti ərazisində yerləşən 5 ədəd 9 mərtəbəli yaşayış binalarının lift təsərrüfatında təmir işləri aparılmış, bütün liftlər işlək vəziyyətə gətirilmişdir. Mənzil fondu üzrə payız-qış mövsümünə hazırlıqla əlaqədar Birliyin balansında olan yaşayış binalarının dam örtüyü 3000 kv.metr hissəsi ruberoidlə təmir edilmişdir.
Binə qəsəbəsi, Rizvan Məmmədhüseynov küçəsi 2 saylı 5 mərtəbəli binanın dam örtüyü əsaslı təmir olunaraq tam dəyişdirilmişdir. Həmin binada 1283 kv.metr ruberoid istifadə edilmiş, binanın 202 paqon metr su navalçaları yenilənmişdir.
Şüvəlan qəsəbəsi, Şimal DRES yaşayış massivi 4 saylı binanın dam örtüyü 692 kv.metr dəmir şiferlə yenilənmiş, 408 paqon metr su navalçaları təmir edilmişdir.
Birliyin xidmət ərazilərində yerləşdirilmiş məişət tullantıları konteynerlərindən 270 ədədi təmir edilərək rənglənilmişdir.
Ayrılmış vəsait hesabına Mərdəkan qəsəbəsinin S.Yesenin küçəsinə 952 kv.metr, Şüvəlan qəsəbəsinin «Mayak» ərazisində 2984 kv.metr və A.İldırım küçəsində 690 kv.metr asfalt örtüyü salınmışdır.
1 saylı Xüsusi Təyinatlı MKTB-nin 111 saylı MKİS-nin xidmət ərazisində yerləşən Buzovna qəsəbəsi, R.İmanov küçəsi 4 ünvanındakı binanın su navalçaları, A.Mirzəyev küçəsi 10 və R.İmanov küçəsi 26, Albalılıq dayanacağı ev 12 və 11 saylı binaların dam örtükləri təmir edilmişdir.
3 saylı Xüsusi Təyinatlı MKTB-nin 112 saylı MKİS-nin xidmət ərazisində yerləşən 30 ədəd konteyner, eləcə də balansda olan binaların 600 kv.metr dam örtüyü və 10 ədəd giriş qapıları təmir edilmiş, 70 kv. metr şüşə dəyişdirilmiş, 500 kv.metr divar emulsiya ilə rənglənilmişdir.
3 saylı Xüsusi Təyinatlı MKTB-nin 155 saylı MKİS-nin xidmət ərazisindəki, B.Əliyev küçəsi 66, 70, 1 və 2 saylı, S.Yesenin 92/2 saylı binaların 1200 kv.metr dam örtüyü təmir edilmiş, ərazidə olan 90 ədəd məişət konteyneri rənglənilmişdir. S.Yesenin küçəsi 92/2, 8 və 9 saylı binaların fasadları 1500 kv.metr, B.Əliyev 66 və 70 saylı binaların giriş qapıları və pilləkən qəfəslikləri 500 kv.metr rənglənilmişdir.
Xəzər rayon Sukanal İdarəsi tərəfindən 2017-ci ilin 9 ayı ərzində 10 min 18 paqon metr müxtəlif diametrli su xətti çəkilmiş, 70 p/m köhnəlmiş su boruları dəyişdirilmişdir. Hesabat dövründə 1314 ədəd su qəzası aradan qaldırılmışdır ki, onlardan 57 ədədi binaların zirzəmisində baş vermişdir. Rayon ərazisində 1466 ədədi smart tipli, 1461 ədədi mexaniki sayğac olmaqla 2927 ədəd sayğac quraşdırılmış, 62 ədədi smart tipli, 135 ədədi isə mexaniki sayğac olmaqla 197 ədəd sayğac yenisi ilə əvəz olunmuşdur. Su təchizatını yaxşılaşdırmaq məqsədilə 16 ədədi «Dalma tipli» olmaqla 21 ədəd su nasosu quraşdırılmış, 30 ədədi «Dalma tipli» olmaqla 140 ədəd su nasosu təmir edilərək saz vəziyyətə gətirilmişdir.
Rayon ərazisində kanalizasiya xidmətlərinin yaxşılaşdırılması istiqamətində də bir sıra işlər görülmüşdür. Kanalizasiya sahəsi üzrə 1992 ədəd qəza və tutulma halları aradan qaldırılmışdır ki, bu qəzalarda 67 p/m-i binaların zirzəmilərində olmaqla 91 p/m xətt dəyişdirilmişdir. 23115 p/m –i mexaniki üsulla, 3660 p/m –i maşınla olmaqla 26775 p/m kanalizasiya xətti yuyulmuşdur. 10 ədəd kanalizasiya baxış quyusu təmir edilmiş, 2 ədəd baxış quyusu yenisi ilə əvəz olunmuşdur. 35 ədəd yağış barmaqlıqları mütəmadi olaraq təmizlənərək tam istismara yararlı hala gətirilmişdir. Bundan əlavə rayon ərazisində olan 75 ədəd içməli su bulağı da daimi su ilə təmin edilir və nəzarətdə saxlanılaraq mütəmadi təmir olunur. 2017-ci ilin 9 ayı ərzində «Azərsu» ASC tərəfindən Tədbirlər Planına uyğun olaraq qəsəbələrdə su xətlərinin çəkilişi aparılmışdır. Belə ki, Binə qəsəbəsində 800 p/m müxtəlif diametrli su xətti çəkilmiş, 40 ev birləşməsi verilmişdir. Şağan qəsəbəsində 595 p/m müxtəlif diametrli su xətti çəkilmiş, Mərdəkan qəsəbəsində 1910 p/m müxətlif diametrli su xətti çəkilmiş, 75 ədəd evbirləşməsi verilmişdir. Şüvəlan qəsəbəsində 2427 p/m müxtəlif diametrli su xətti çəkilmiş, 174 ev birləşməsi verilmişdir. Zirə qəsəbəsində 1425 p/m müxtəlif diametrli su xətti çəkilmiş, 58 ev birləşməsi verilmişdir. Türkan qəsəbəsində 2744 p/m su xətti çəkilmiş, 37 ev birləşməsi verilmişdir. Qala qəsəbəsində 1550 p/m D800 mm magistral su xətti çəkilmişdir. Ümumilikdə rayon ərazisində ötən 9 ay ərzində «Azərsu» ASC tərəfindən 11451 p/m müxtəlif diametrli su xətti çəkilmiş, 384 ev birləşməsi verilmişdir.
Bakı Regional Qaz İstismar Sahəsinin Xəzər rayon üzrə Texniki İstismar Xidmətinin ərazilərində itkilərin azıldılması və qaz təchizatının yaxşılaşdırılması üçün nəzərdə tutulan tədbirlər planına əsasən aşağıdakı işlər görülmüşdür.
Türkan qəsəbəsinin Üzümçülük sovxozu ərazisindəki Bağlar yaşayış massivində yeni qaz xətti çəkilmişdir.
Şüvəlan qəsəbəsinin Sahil küçəsindən Maşınqayırma pansionatı istiqamətindəki yoldan keçən d76 mm-lik qaz xəttinin 35 p/m deformasiyaya uğramış hissəsi yenisi ilə əvəz olunmuşdur.
Binə qəsəbəsində Donuzkökəltmə soxvozu ilə İslah Əmək Müəssisəsinin ətrafındakı qaz xətti əsaslı təmir olunmuş, orada 2 ədəd, F.Aynulov küçəsində 1 ədəd tənzimləyici şkaf quraşdırılmışdır. Hövsan Südçülük sovxozu ərazisində uzunluğu 90 p/m qaz xətti çəkilmiş və 1 ədəd şkaf quraşdırılmışdır.
Qala qəsəbəsinin stansiya deyilən ərazisindəki abonentlərin qaz təchizatını yaxşılaşdırmaq məqsədilə uzunluğu L= 90p/m, d 108 mm-lik qaz xətti çəkilmiş və 1 ədəd tənzimləyici şkaf quraşdırılmışdır.
Mərdəkan qəsəbəsinin R.Cəfərov küçəsində yaşayan abonentlərin qaz təchizatının yaxşılaşdırılması məqsədilə 1 ədəd şkaf quraşdırılmışdır. Qəsəbənin Qızıl-Qum ərazisindəki həyətlərdən keçən qaz xəttinin küçəyə çıxarılması məqsədilə D76 mm-lik 148 p/m, D57 mm-lik 136 p/m qaz xətti çəkilmişdir.
Buzovna qəsəbəsinin Albalılıq yaşayış massivində D76 mm-lik 80 p/m, Abşeron küçəsində isə D108 mm-lik 200 p/m, D 57 mm-lik 20 p/m dairəvi sistem yaradılması üçün yeni qaz xətləri çəkilmişdir.
Türkan, Binə, Qala, Şağan, Mərdəkan, Şüvəlan qəsəbələrində 175 ədəd qaz tənzimləyici şkaflarda tənzimlənmə işləri aparılmışdır.
Xəzər Enerji Təchizatı və Satışı İdarəsi tərəfindən görülən işlərin nəticəsində bu gün demək olar ki, əhali dayanıqlı elektrik enerjisi ilə tam təmin olunmuşdur.
Zirə Enerji Təchizatı və Satışı Sahəsi tərəfindən 2017-ci ilin 9 ayı ərzində elektrik enerjisi ilə təchizatın yaxşılaşdırılması məqsədilə bir çox işlər görülmüşdür. Belə ki, Zirə qəsəbəsində 1 ədəd yeni KTM quraşdırılmış və bu KTM-ə 3500 metr kabel xətti çəkilmişdir. 2 KTM-də profilaktik təmir işləri görülmüşdür. Eyni zamanda 26 KTM və 5 TM təftiş olunmuş, 400 ədəd dayaq rənglənilmişdir.
Türkan qəsəbəsində 4 ədəd KTM yenisi ilə əvəz olunmuş, 3 KTM-də 6 kv-luq hava xətləri cari təmir olunmuş, 1 KTM-də giriş və çıxış xətləri yeni TM-ə köçürülmüşdür. Eyni zamanda 17 KTM və 6 TM təftiş olunmuş, 200 ədəd dayaq rənglənilmişdir.
Xaşa-Xuna yaşayış massivi ərazisindəki TM-də hava xətləri cari təmir olunmuş, 14 KTM və 2 TM təftiş olunmuş, 100 ədəd dayaq rənglənmişdir.
Zirə-Türkan magistral yolunun Zirə qəsəbəsi hissəsi kabel keçidləri ilə təmin edilərək yeni quraşdırılacaq KTM-ə 1000 metr 6 kv-luq kabel xətti çəkilmiş, yolun Türkan bağları hissəsində isə 1 ədəd yeni KTM və gücü 180 KVA olan 1 ədəd transformator quraşdırılmışdır.
Xəzər Telefon Qovşağı tərəfindən 2017-ci ilin 9 ayı əzində görülmüş işlərin nəticəsində qovşağın montaj tutumu 70799 nömrə, istifadə olunan abunəçi tutumu isə 58710 nömrə təşkil etmişdir. Eləcə də internet xidmətindən istifadə edən ümumi abunəçilərin sayı 31277 nömrəyə çatdırılmışdır.
«Azərpoçt» MMC-nin 4 saylı Poçt filialı tərəfindən 2017-ci ilin 9 ayı ərzində verilmiş 811640 manat tarif gəliri proqnozu faktiki olaraq 900505 manat olmaqla 110,9 % icra edilmişdir. Ötən ilin müvafiq dövrü ilə müqayisədə Poçt ödəniş nişanı üzrə 13972 manat, telefon abunə haqlarının yığımı üzrə 3270 manat, elektrik enerjisi haqlarının yığımı üzrə 4938 manat, qaz pulu yığımından 3298 manat, su pulu yığımından 1278 manat, pul köçürmələri üzrə 24314 manat, bank xidmətlərindən 2843 manat gəlir əldə edilmişdir.
Hesabat dövrundə rayonun ərazisində tikinti və quruculuq işləri səngiməmiş, daha da geniş vüsət almış, küçə və meydanlar, parklar abadlaşdırılmış, ayrı-ayrı ictimai binalarda, əsas yollarda, daxili küçələrdə təmir işləri aparılmış və yenidənqurulmuş, su və kanalizasiya sistemləri, elektrik xətləri yeniləşdirilmiş, yeni xidmət və istehsal müəssisələri, bir sıra sosial-mədəni obyektlər tikilərək əhalinin istifadəsinə verilmişdir.
Xəzər rayon İcra Hakimiyyətinin daxili imkanları hesabına Mərdəkan, Şüvəlan, Binə, Türkan qəsəbələrində səkilərin və hasarların yenidənqurulması, yolboyu milli və tarixi elementlər nəzərə alınmaqla mövcud tikililərin bərpası işləri görülmüşdür.
Hesabat dövrü ərzində Şüvəlan qəsəbəsinin A.İldırım küçəsi-62 saylı binanın 721m2 fasadı və yan divarları təmir edilərək emulsiya ilə boyadılmış, o cümlədən binanın 32,0m2 fasadı suvanmış, 12,0m2 dam örtüyü təmir olunmuş, tüstü bacaları suvanaraq təmir olunmuş, binanın kürsü hissəsi 105,0m2 aqlay daşla üzlənmiş, pəncərələrin kənarına 350p/m aqlay daş vurulmuşdur.
A.İldırım küçəsi - 58 saylı binanın 280 m2 fasadı və yan divarları təmir edilərək suvanmış, dam hissəsində şiferin altı 40 p/m paslanmayan metalla üzlənmiş, binanın kürsü hissəsi və pəncərələrin ətrafı 395 p/m aqlay daşı ilə işlənmiş, binaya bitişik ümumi sahəsi 50 m2 hasar yenidən suvanaraq bərpa olunmuşdur.
Binaların qarşısında yerləşən istirahət parkının ətrafındakı 70,0m2 hasar mişar daşı ilə hörülərək kənar hissələri 84,0p/m aqlay daşı ilə bəzədilmiş, üz səthi isə fasad üçün nəzərdə tutulmuş suya davamlı emulsiya ilə boyadılmışdır. Parkın ərazisində 475p/m bardür düzülərək sütunlar aqlay daşla üzlənmiş, 450,0m2 tamet vurulmuşdur. Mövcud bulaq sökülərək yenidən tikilmiş və bulağa 30,0 p/m su xətti çəkilərək mərkəzləşdirilmiş sisteminə qoşulmuşdur. Hazırda ərazidə abadlıq işləri davam etdirilir.
Mərdəkan qəsəbəsinin S.Yesenin küçəsində, ATS-in inzibati binasının qarşısındakı 200 metr uzunluğunda hasar sökülərək, müasir memarlıq üslubunda yenidən qurulmuşdur.
Qəsəbənin S.Dadaşov küçəsində «İnci» uşaq bağçasının ətrafında 450 m2 hasar malalanmış, ümumilikdə 1000 m2 divar və oradakı küçəyə çıxış qapıları rənglənilmişdir.
Aeroport-Mərdəkan magistral yolunun sağ tərəfində, qəsəbənin girişində «Mərdəkan» adını əks etdirən, hündürlüyü 8 metrə çatan dəmir-beton konstruksiyadan ibarət postamentin tikintisi yekunlaşmışdır. Postamentin sütunları, kürsüsü və yuxarı hissəsi 280 p/m aqlay daşla üzlənərək, 10 m2 mərmər qranitlə bəzədilmiş, müasir işıqlandırma sistemi ilə təchiz edilmişdir.
Mərdəkan qəsəbəsində Zabitlər evinin 144,0m2 köhnə hasarları sökülərək yenidən tikilmiş, 390p/m aqlay daşı ilə üzlənmişdir.
Rayon İcra Hakimiyyətinin inzibati binasının ətrafındakı ümumi sahəsi 730,0m2 olan hasar təmir edilərək, suya davamlı iki qat emulsiya ilə boyadılmışdır.
Binə qəsəbəsində Ə.İsazadə küçəsi, mərkəzi yolun ümumi görünüşə xələl gətirən sağ və sol hissəsində 13 ədəd müxtəlif təyinatlı 1480m2 ölçüdə tikinti obyektlərinin fasadları aqlay daşları ilə üzlənmişdir.
Yeni çəkilən Zirə-Türkan avtomobil yolunun sağ və sol hissəsində 3380 m2 tikinti işləri aparılmış, 174 ədəd işıq dirəyi basdırılaraq xəttə qoşulmuş, 5535 m2 malalama və rənglənmə işləri görülmüşdür.
Bu günün ən vacib məsələlərindən biri də yaşıllıqların salınması və onlara qulluq edilməsinin təşkilidir. Bildiyiniz kimi 2016-cı il ərzində rayon ərazisində 99320 ədəd müxtəlif növ ağac əkilmiş və 2017-ci il üzrə də bir o qədər ağac əkilməsi nəzərdə tutulmuşdur. 2017-ci ilin 9 ayı ərzində Mərdəkan qəsəbəsində 1600, Şüvəlan qəsəbəsində 1231, Binə qəsəbəsində 583, Türkan qəsəbəsində 7597, Buzovna qəsəbəsində 230, Qala qəsəbəsində 150, Şağan qəsəbəsində 600, Zirə qəsəbəsində isə 5070 ədəd ağac əkilmişdir. Ümumilikdə İcra Hakimiyyəti, qəsəbə nümayəndəlikləri və bələdiyyələr tərəfindən 17061 ədəd, «İdeya» İctimai Birliyi və ayrı-ayrı idarə, müəssisə və təşkilatlar tərəfindən isə 25690 ədəd olmaqla cəmi 42751 ədəd ağac əkilmişdir. Hazırda ağacların suvarılması və onlara aqrotexniki qulluq işləri aparılmaqdadır.
Hesabat dövrundə rayon ərazisində asfalt yollarının çəkilişi, əsaslı və cari təmiri istiqamətində bəzi işlər görülmüşdür. Belə ki, Cənab Prezident İlham Əliyevin tapşırığına əsasən Zirə və Türkan qəsəbələrini birləşdirən 7,2 km uzunluğunda, 7 metr enində yolun birinci qatının asfaltlaşdırılması başa çatdırılmışdır. «Azəravtoyol» ASC tərəfindən həmin yola 50400 m2 asfalt örtüyü salınmış, 10000 p/m bardür düzülmüşdür. Hazırda tamamlanma işləri gedir.
Bakı şəhər İcra Hakimiyyəti tərəfindən rayonun Mərdəkan, Şüvəlan qəsəbələrində daxili küçələrə 12472 m2 asfalt salınmış, 345 p/m bardür düzülmüşdür. Bununla yanaşı Xəzər RİH-nin daxili imkanları hesabına rayonun Şağan qəsəbəsində 11500 m2, Buzovna qəsəbəsində 5610 m2 , Binə qəsəbəsində 1200 m2, Şüvəlan qəsəbəsində 8250 m2, Türkan qəsəbəsində 370 m2, Zirə qəsəbəsində 1200 m2, Mərdəkan qəsəbəsində 9781 m2 olmaqla 37911 m2 asfalt örtüyü salınmış, Qala, Türkan, Binə, Buzovna qəsəbələrində isə 18 km yol cari təmir olunmuşdur.
Azərbaycan Respublikasının Prezidenti cənab İlham Əliyevin müvafiq sərəncamı ilə Şağan Mədəniyyət Mərkəzi üçün Mədəniyyət və Turizm Nazirliyinə vəsait ayrılmış, hazırda orada tamamlanma işləri görülməkdədir.
Hesabat dövründə rəsmi dövlət bayramları və ictimai siyasi əhəmiyyət kəsb edən digər tarixi hadisələrlə bağlı rayon ərazisində geniş ictimaiyyətin iştirakı ilə bir çox kütləvi tədbirlər keçirilmişdir.
Belə ki, yanvar ayının 12-də RİH-nin təşkilatçılığı ilə Mərdəkan Mədəniyyət Sarayının qarşısındakı meydanda gənclərin hərbi xidmətə yola salınması mərasimi keçirilmişdir.
20 yanvar tarixində RİH Aparatı, ictimaiyyət nümayəndələri 20 yanvar hadisəsinin 27-ci ildönümü ilə əlaqədar Şəhidlər Xiyabanına ziyarət etmişlər.
2 fevral tarixində RİH Aparatının nümayəndələrinin, Millət vəkili R.Əliyevin, YAP Xəzər rayon təşkilatının sədri N.Əhmədovun iştirakı ilə Zirə Mədəniyyət Mərkəzi-Eko Parkda Gənclər Günü münasibətilə tədbir keçirilmişdir.
10 fevral tarixində Xəzər RİH-nin Aparatında sahibkarlarla «Azexport.az» portalının əməkdaşlarının birgə tədbiri təşkil edilmişdir.
26 fevral tarixində Bakı şəhərində Xocalı Soyqırımının 25-ci ildönümü münasibətilə keçirilən möhtəşəm yürüş aksiyasında Xəzər rayon ictimaiyyətinin iştirakı təşkil edilmişdir.
7 mart tarixində «8 mart Beynəlxalq Qadınlar Günü» münasibətilə Zirə EKO parkda tədbir təşkil edilmiş, bayram süfrəsi açılmış, 50 nəfər fəal qadın RİH-nin Başçısı tərəfindən mükafatlandırılmışdır.
16 mart tarixində «Ölkəmizi tanıyaq» tur aksiyası çərçivəsində Naxçıvan MR-a səfərə gedən məktəblilər yola salınmış, 19 mart tarixində qarşılanma mərasimi keçirilmişdir.
17 mart tarixində Heydər Əliyev Fondu tərəfindən rayonun 4000 nəfər aztəminatlı ailəsinə, şəhid ailələrinə, qarabağ əlillərinə və eyni zamanda 4000 nəfər ünvanlı sosial yardım alan şəxslərə «Novruz» bayramı münasibətilə ərzaq yardımının paylanılması təşkil edilmişdir.
18 mart tarixində Binə qəsəbəsində Novruz bayramı münasibətilə bayram süfrəsi açılmış, ümumrayon tədbiri keçirilmişdir. Tədbirdə RİH-nin Başçısı G.İslamov, Millət vəkili R.Əliyev, YAP rayon təşkilatının sədri N.Əhmədov, idarə, müəssisə, təşkilat rəhbərləri və sakinlər iştirak etmişlər.
31 mart Azərbaycanlıların Soyqırımı ilə bağlı 123 №-li məktəbdə Anım mərasimi keçirilmişdir.
2017-ci ilin may ayında Ulu Öndər Heydər Əliyevin anadan olmasının 94-cü ildönümü münasibətilə YAP rayon təşkilatı ilə birlikdə rayonda silsilə tədbirlər keçirilmişdir. Rayon ictimaiyyəti nümayəndələrinin iştirakı ilə Ulu Öndər H.Əliyevin məzarı ziyarət edilmiş və H. Əliyev Mərkəzinə səfər təşkil edilmişdir. H.Əliyevin xatirəsinə həsr edilmiş futbol, güləş yarışları təşkil edilmiş və qaliblər mükafatlandırılmışdır. Bundan əlavə Buzovna-Şüvəlan magistral yolunun ətrafında ağacəkmə kompaniyası keçirilmişdir.
9 may - Qələbə günü, 28 may – Respublika günü , 15 iyun - Milli Qurtuluş günü münasibətilə də bir çox tədbirlər həyata keçirilmişdir.
23 iyun 2017-ci il tarixində Xəzər RİH-i Aparatında Dövlət Qulluqçularının peşə bayramı münasibətilə geniş tədbir keçirilmiş və rəhbərlik dövlət qulluqçularını bayram münasibətilə təbrik etmişdir.
11 avqust 2017-ci il tarixdə Xəzər rayon Gənclər evində 12 avqust Beynəlxalq Gənclər gününün rayonda yüksək səviyyədə qeyd edilməsi, asudə vaxtın səmərəli təşkili, gənclərin öz bacarıqlarını nümayiş etdirməsi məqsədilə gənclər üçün bayram tədbiri keçirilmişdir.
15 sentyabr - Bilik Günü ilə əlaqədar 12 sentyabr 2017-ci il tarixində təhsil müəssisələrinin yeni 2017/2018-ci tədris ilinə hazırlığı ilə bağlı RİH Başçısı yanında Şura iclası keçirilmiş, vəziyyət təhlil edilmiş, aparılmış monitorinqin nəticələri haqqında Qərar Bakı şəhəri üzrə Təhsil İdarəsinə və təhsil müəssisələrinə göndərilmişdir.
Azərbaycan Respublikasının Prezidenti cənab İlham Əliyevin tapşırığına əsasən əhalinin tibbi müayinədən keçməsi ilə əlaqədar olaraq 15 fevral- 15 may 2017-ci il tarixində rayon əhalisinin 108114 nəfəri tibbi müayinədən keçmişdir.
Rayon rəhbərliyinin təşəbbüsü ilə 01 iyun –22 iyun 2017-ci il tarixində «Səyyar ASAN» xidmət avtobusu rayonun Türkan və Zirə qəsəbələrində, 12-26 sentyabr tarixində isə Binə qəsəbəsində olmuş və 2500-ə yaxın sakin xidmətdən yararlanmışdır.
Sevindirici haldır ki, 2017-ci ilin 9 ayı ərzində Azərbaycan Respublikasının Prezidenti cənab İlham Əliyev rayonumuza bir neçə dəfə səfər etmişdir. Belə ki, 13 yanvar və 24 avqust 2017-ci il tarixlərində cənab Prezident Türkan qəsəbəsində yerləşən Dövlət Sərhəd Xidməti Sahil Mühafizəsinin Gəmi İnşası və Təmiri zavoduna gəlmiş, orada inşası başa çatan «Tufan» gəmisi və yeni xüsusi texnikalar ilə tanış olmuşdur. 8 sentyabr 2017-ci il tarixdə cənab Prezident Buzovna qəsəbəsinə gəlmiş, orada inşa olunmuş «Təhsil Respublika İdman Mərkəzi»-nin Zaqulba Tədris İdman Bazasının açılışında iştirak etmişdir.
2017-ci ilin 9 ayı ərzində baş verən ən önəmli hadisələrdən biri də rayonumuzdan olan Millət vəkili Mehriban xanım Əliyevanın Azərbaycan Respublikasının Prezidenti cənab İlham Əliyevin 21 fevral 2017-ci il tarixli sərəncamı ilə I Vitse Prezident təyin olunması olmuşdur. Mehriban xanı Əliyeva I Vitse Prezident kimi ilk səfərini 1 mart 2017-ci il tarixdə Türkan qəsəbəsindəki 6 №li Nitqi qüsurlu uşaqlar üçün internat evinə etmiş, orada rayon rəhbərliyi və bir qrup sakinlə görüşərək gələcək planlar barədə çox səmimi söhbət etmişdir.
2017-ci ilin 9 ayı ərzində Xəzər rayon İcra Hakimiyyəti Aparatına 2074 ərizə, şikayət və müraciət, 1687 xidməti sənəd daxil olmuşdur. Daxil olmuş 2074 ərizə və müraciətlərdən 783 ərizə müsbət həll edilmiş, 1125 ərizə və müraciətə lazımi izahat və təkliflər verilmiş, 7 ərizə aidiyyatı üzrə göndərilmiş, 7 ərizə əsassız sayılmış, 83 ərizə isə icraatdadır. Müqayisə üçün qeyd olunmalıdır ki, daxil olan ərizə və şikayətlərin sayı ötən ilin müvafiq dövrünə nisbətən 22 % azalmışdır.
Hesabat dövründə Xəzər rayon İcra Hakimiyyəti Başçısının qəbulunda 62 vətəndaş olmuşdur. Ötən dövrdə vətəndaşların İcra Hakimiyyətində qəbul edilməsinin və müraciətlərinə baxılmasının bir qismi elektron formada həyata keçirilmişdir.
2017-ci ilin 9 ayı ərzində RİH-i Başçısı tərəfindən qəsəbələrdə 18 səyyar qəbul keçirilmiş, bu görüşlərdə 2085 nəfər vətəndaş iştirak etmiş və 60 müraciət səsləndirilmişdir. Müraciətlərdən asfalt örtüyünün salınması, təbii qaz problemləri, su-kanalizasiya və nəqliyyat problemləri üstünlük təşkil etmişdir. Səyyar qəbullarda səsləndirilmiş müraciətlərin əksəriyyəti müsbət həll olunmuş, digər məsələlərlə bağlı isə aidiyyatı qurumlara məktublar göndərilmişdir.
Keçirilən səyyar görüşlərdə Millət vəkili Rauf Əliyev də iştirak edərək sakinləri narahat edən problemlərin həlli istiqamətində görülmüş və görüləcək işlər barədə ətraflı məlumat vermişdir.
Azərbaycan Respublikasının Prezidenti cənab İlham Əliyevin 09 oktyabr 2017-ci il tarixində keçirdiyi müşavirədə Yerli İcra Hakimiyyətlərinə də bir sıra tapşırıqlar verilmişdir. Bunlardan biri də yerli və xarici investorların cəlb edilməsilə ərazidə istehsal müəssisələrinin, sahibkarlıq subyeklərinin yaradılması, eləcə də yeni iş yerlərinin açılması ilə bağlı olmuşdur. Cənab Prezidentin tapşırığını rəhbər tuturaq Xəzər RİH-nin müvafiq şöbələrinə, qəsəbə nümayəndələri və bələdiyyə sədrlərinə yerli və xarici investorların rayonumuza cəlb edilməsi istiqamətində daha səmərəli fəaliyyət göstərmələri, aidiyyatı idarə, müəssisə və təşkilat rəhbərlərinə isə onlar üçün lazımi şəraitin yaradılması məqsədilə müvafiq işlərin görülməsi tapşırılmış və bu işlər ciddi nəzarətə götürülmüşdür.
Prespektivdə Xəzər rayon İcra Hakimiyyəti tərəfindən aparılan abadlıq-quruculuq işləri çərçivəsində Şüvəlan qəsəbəsi, A.İldırım küçəsindəki daha 2 binanın təmir-bərpa işlərinin davam etdirilməsi, orada yerləşən istirahət parkındakı yenidənqurma işlərinin başa çatdırılması, Mərdəkan, Binə və Buzovna qəsəbələrindəki bəzi hündürmərtəbəli binaların təmir edilməsi, Binə qəsəbəsində yeni istirahət parkının tikintisi, qəsəbədaxili küçələrə asfalt örtüyünün salınması, qəsəbələrin ərazilərində, yolların kənarlarında yaşıllıqların salınması və bu kimi digər işlər durur. Əmin ola bilərsiniz ki, bu işlərin öhdəsindən də layiqincə gələcəyik.
Xəzər RİH-i sakinlərin rahat, firavan yaşamasına yönələn bu kimi layihələrin həyata keçirilməsi üçün müvafiq işlər görəcək, qarşıdakı dövrdə də Azərbaycan Respublikası Prezidentinin fərman, sərəncam və tapşırıqlarının vaxtında və keyfiyyətlə icrası, vətəndaşlarımızın layiq olduqları rifahlı yaşayışın təmin edilməsi üçün bütün imkanları səfərbər edərək qarşıya qoyulan vəzifələrin öhdəsindən layiqincə gəlməyə çalışacaqdır.