Güclü, qüdrətli Ordusu olan Dövlətimizin müstəqilliyi sarsılmaz və əbədidir !

       Güclü, qüdrətli  Ordusu  olan  Dövlətimizin müstəqilliyi  sarsılmaz və əbədidir !      
                                     
    Ordu  cəmiyyətdə  daxili  özünə  inamı,  Dövlətə  etimadı  gücləndirən  əsas  faktorlardan  biridir. Əsası  100  ildən artıq  zaman müddətində  qoyulmuş Azərbaycan Ordusunun  ənənələri  müasir  dövrdə  də  qorunub  saxlanılır  və  inkişaf  etdirilir. Bu  ümummilli  liderimiz Heydər  Əliyevin ciddi  səyləri  nəticəsində  mümkün  olmuşdur. Azərbaycan   suverenlik  qazanandan  sonra  Heydər  Əliyevin  rəhbərliyi  altında  Silahlı Qüvvələr  quruculuğu  sahəsində  aparılan  işlər  ölkəmizdə  mütəşəkkil,  qüdrətli  Ordu yaratmağa  imkan  vermiş,  onun  gələcəkdə  daha  da  möhkəmlənməsi  üçün  əsaslı zəmin yaratmışdır. Bu  gün  Azərbaycan  Respublikasının  Prezidenti,  Ali  Baş Komandan  cənab  İlham  Əliyevin  rəhbərliyi  altında  Azərbaycan  Ordusu  dünyanın   50  ən  güclü ordusu  sırasına  yüksəlib.  Azərbaycan  Silahlı  Qüvvələri   bizim qoruyucumuz,  təhlükəsizliyimizdir.  Milli  Ordumuz  hər  bir  Azərbaycan vətəndaşının  qürur  mənbəyidir. Bütün  bunlar  Prezident, Ali  Baş  Komandan  İlham  Əliyevin Ordumuzun  güclənməsi  və möhkəmlənməsi  üçün  göstərdiyi  diqqət və qayğının   uğurlu  nəticəsidir. Cəmiyyətimizdə  Silahlı  Qüvvələrimizə  olan  böyük  inam  olduqca  vacib  amildir. Hərbi  qulluqçularımızın,  döyüşçülərimizin  vətənə, torpağa olan sevgisi , onların  qəhrəmanlığı,  Ali Baş Komandanın  hərbi  qulluqçulara  göstərdiyi  qayğı Ordumuzu  gündən-günə  daha  da  qüvvətləndirir. Ordumuza  olan  Dövlət  dəstəyi və cəmiyyətin inamı Ordumuzun şəxsi heyətinin döyüş  ruhunu  artırır.
     Bildiyiniz  kimi  Dağlıq  Qarabağ  münaqişəsinin  həlli  və ərazi  bütövlüyümüzün  bərpası  Azərbaycan dövlətinin  prioritet  hədəfidir.  Bu  hədəfə nail olmaqda  Silahlı Qüvvələrimizin  rolu  olduqca  böyükdür. Yarandığı  ilk  gündən  etibarən  Vətənimizin  keşiyində duran  Milli Ordumuz  bu gün də sərhədlərimizdə  mənfur düşmənlə  üz-üzə durub  qəhrəmancasına  mübarizə  aparır. Aprel  döyüşləri  tarixə  Ordumuzun  gücünün , xalqla  Ordunun  vəhdətinin , vətənpərvərliyinin  göstəricisi  kimi  düşdü. Aprel  qələbəsi bir  daha  sübut  etdi  ki, Ordumuz  torpaqlarımızı  işğaldan  azad  etməyə  qadirdir. Azərbaycan  Ordusunun,  Azərbaycan  əsgərinin  rəşadət  əzmini  sındırmaq  asan  deyil.  Azərbaycan övladlarının göstərdiyi  igidliklər milli hərb tariximizə şanlı səhifələr kimi yazılıb və  yazılır .  Bunun  ən  son  nümunəsini  12 iyulda  Azərbaycan-Ermənistan  sərhəddinin  Tovuz  rayonu  istiqamətində  Ermənistanın   atəşkəs  müqaviləsini  pozaraq  hücuma  keçməsi  zamanı gördük.  Tovuz   rayonunda  atəşkəsin  Ermənistan  tərəfindən pozulması  zamanı  Silahlı  Qüvvələrimiz  bir daha  öz  üstünlüyünü  təsdiq etdi. Əsgərlərimiz, gizirlərimiz, zabitlərimiz və  generallarımız  Vətən uğrunda, torpaqlarımız  uğrunda,  birliyimiz  və bərabərliyimiz  uğrunda,  müstəqil Azərbaycan  Dövlətinin  əbədi  yaşaması  uğrunda,  gələcək  nəsillər uğrunda  gözlərini  belə qırpmadan  düşmənlə fədakarcasına mübarızə  apardılar. O  döyüşlərdə göstərilmiş qəhrəmanlıq nümunələri bizim hər birimizin qəlbində daim yaşayacaqdır. Ali Baş Komandanımızın  da qeyd etdiyi kimi xalqımız  Vətən uğrunda  şəhid  olan  hərbi qulluqçularımızı, qəhrəmanlarımızı  heç vaxt unutmayacaq, onların  qisası  alınıb  və  alınacaq,  qanları yerdə qalmayacaq.  Mübariz İbrahimov , Fərid Əhmədov,  polkovnik  İlqar Mirzəyev, general-mayor Polad  Həşimov   kimi qəhrəmanlarımızın  qisasını  almaq və torpaqlarımızı  işğaldan  azad  edənlərin  sırasında  olmaq  istəyən  gənclərimizin  sayı  gündən-günə  artır.
     Ali  Baş Komandan İlham Əliyevin rəhbərliyi altında  xalqımız və Ordumuz  bu təlatümlü günlərdə bir oldu. Ali Baş  Komandanımızın  çağırışına  səs  verən  60 minə yaxın  soydaşımız  Səfərbərlik və Hərbi  Xidmətə Çağırış  üzrə  Dövlət  Xidmətində könüllü  kimi  qeydiyyatdan  keçdi  və hal-hazırda  da  müraciətlər  davam  edir.  Qardaş Türk  Cümhuriyyəti  də  Azərbaycanı  tək buraxmadı. Azərbaycana  dəstək  nümayiş etdirən  ilk  ölkə  qardaş  Türkiyə  oldu, ən  yüksək  səviyyədə  Azərbaycanı dəstəklədiyini  bildirdi.
     Bu  gün  qürurla  qeyd  etmək  istəyirəm  ki, F.Fərhadoğlu  adına  230 N-li  tam  orta məktəbin  Azərbaycan dili və ədəbiyyat  müəllimi  Nazim Məmmədov  da  Vətən qarşısında  övladlıq  borcunu  yerinə  yetirmək  üçün  hal-hazrda  Azərbaycan  Ordusu  sıralarında  hərbi  xidmətdədir.
     Əminəm  ki, Azərbaycan  Ordusu  lazım  gələrsə, Ali Baş  Komandanımızın rəhbərliyi ilə hər an düşmən tapdağında olan torpaqlarımızı  qısa  müddətdə  işğaldan  azad   edə və üç rəngli bayrağımızı əzəli torpaqlarımızda  qaldıra  bilər.
     Xalqımızın  qoruyucusu, qüruru  olan , ən əsası  müstəqilliyimizə və dövlətçiliyimizə qarşı   yarana  biləcək  hər  hansı  təhdidin  qarşısını  almağa  qadir  olan,   nizamlı, mütəşəkkil,  qüdrətli  Ordumuz ,  xalqımız   daim  sizlərlədir!

                 Tamilla Yaqubova

230 nömrəli tam orta məktəbin direktor əvəzi