Xocalı soyqırımının 24-cü il dönümünə həsr edilmiş tədbir keçirilmişdir.
24 fevral 2016-ci il tarixində Xəzər rayonu Mərdəkan Mədəniyyət evində 26 fevral-Xocalı soyqırımının 24-cü il dönümünə həsr edilmiş tədbir keçirildi.
Tədbirdə Xəzər RİH Başçısı Gülağa İslamov, Millət vəkili Rauf Əliyev, YAP Xəzər rayon təşkilatının sədri Namiq Əhmədov, RİH Başçısının müavinləri, Rayon İcra Hakimiyyəti aparatının məsul işçiləri, rayon hüquq mühafizə orqanlarının rəhbərləri, məktəblilər və 380 nəfər rayon ictimaiyyəti iştirak etmişdir.
Tədbirdən öncə Mərdəkan Mədəniyyət sarayının foyesində “Xocalı soyqırımı şağirdlərin gözü ilə” mövzusunda rəsm sərgisi nümayiş etdirilmişdir.
Daha sonra Xocalı soyqırımında həlak olanların xatirəsi bir dəqiqəlik sükutla yad edilmiş və Xocalı Soyqırımının 24-cü ildönümünə həsr olunmuş ədəbi bədii kompozisiya və film nümayiş etdirilmişdir.
