Xəzər rayonunda 8 Noyabr – Zəfər Günü münasibəti ilə ağacəkmə aksiyası keçirilib
08 noyabr 2022 | 12:46
Vətən müharibəsinin ikinci ildönümü ilə əlaqədar Xəzər rayonunda silsilə tədbirlər çərçivəsində Zəfər Gününə həsr olunmuş ağacəkmə aksiyası keçirilib.
Noyabrın 8-də Xəzər rayonu Qala qəsəbəsində baş tutan ağacəkmə aksiyasında Xəzər Rayon İcra Hakimiyyətinin başçısı Elşən Salahov, YAP-ın rayon təşkilatının sədri Namiq Əhmədov, RİH başçısı Aparatının əməkdaşları, qəsəbə nümayəndələri və bələdiyyə sədrləri, idarə, müəssisə, təşkilat və rayon ictimaiyyətinin nümayəndələri, şəhid ailələrinin üzvləri və qazilər iştirak edib.
Aksiya zamanı müxtəlif növ həmişəyaşıl ağaclar əkilərək suvarılıb və onlara aqrotexniki qulluq göstərilib.
Keçidlər
